借屍還魂......! ( 26 AUG, 09 )

 

借屍還魂......! ( 26 AUG, 09 )

一直對大陸山寨手機都有"妙佢"的態度, 不停的COPY各大牌子, 出翻版,

串錯牌子英文字母, 什麼NCKIA, NOKLA, SUMSUNG, ANYCOLL,

AMYCALL, SUNY ERCISSUN, MOTOROIA等等,

見到都想嘔, 有D更加唔理照印牌子, 視版權為無物......

另一條線就千篇一律的款式, 大大個TOUCH SCREEN, 又走馬燈,

又8個喇叭, 又係見到都嘔......

但山寨機卻成為近幾年大陸的其中一個最火最熱的行業........

最近一年大陸山寨廠見日本手機大熱, 開始COPY日本機款,

當然內裡依然的雙卡雙待, 早2個月前開始見有一部日本AU WIN

系列的SANYO手機出現, 當時已經覺得好奇, 冇理由早幾年的AU機

會用到, AU係3G CDMA - EVDO系統, 跟本用唔到,

原來係大陸山寨廠將原裝SANYO的手機外殼加上山寨的心,

咁都得! 真係O哂咀, 嘩左十聲.......但果部太厚太大部,

成個漢堡包的厚度.......

直至呢個月, 又再現"借屍還魂"事件.....! 又係SANYO機,

因為SANYO已經停止了手機的業務, 一定有好多死貨在日本,

山寨廠再發功, 掃哂成批DOCOMO的SANYO機,同一方法,

保留原裝外殼加入山寨機肉, 又成了另一部

"穿上日本時裝扮日本KAWAII美少女的大陸村姑"

鬼斧神工直頭令人佩服, 用原裝外殼(造工當然正),

用原裝日本的MON(一睇就睇得出比其他山寨機高十班),

加上山寨的機肉及千篇一律的MTK系統, 當然雙卡雙待,

30萬像CAMERA, 一切一切都係同其他山寨一樣, 仲要將原本

MINI-SD位改為第2張SIM卡位, 原本的耳機位改為充電位,

原本的充電位改為MICRO-SD位, 原本的VIDEOCALL CAMERA

改為SECOND CAMERA自拍用,  吹到你脹......!

仲有齊紅色, 粉藍, 珍珠白3個原裝殼版本, 點到你唔服.....!

山寨廠的諗頭實在堅抽, 完全掌握到用家愛日本機的外形及設計,

但又要卡貼, 又冇中文, 又圈外收唔到的問題, 再一個"借屍還魂",

唔理你死, 印埋SANYO LOGO盒, 當正真貨, 即時K.O.................

無言........................

REMARKS : 我唔賣呢D機架, 只係買黎玩下及寫REPORT