無所不入的山寨機......( 9 MAY, 2010 )

 

無所不入的山寨機......( 9 MAY, 2010 )


大陸山寨機市場已經去到爛的地步, 雙卡雙待, 睇電視, 手寫, 藍牙,

 

MICRO-SD, TOUCH SCREEN, 投影機功能, 偷拍功能, 再數可以

 

數多20個功能, 但基於使用已經什麼都做好哂的MTK系統,

 

一部同一億部機都係一樣, 只係外型不同, 不過你又唔好理,

 

除左國內依然有好大市場之外, 出口外國的數量簡直多到嚇死你,

 

最主要係價錢平, 又叫做有幾十樣功能, 山寨機已經在全世界

 

每一個角落出現.......山寨機由最初的極丑極土外型,

 

慢慢開始COPY外國品牌的外型及日本機外型, 當然會有經常

 

出現串錯牌子名, 包括 : NOKLA, NCKIA, SUNY ERICSOM,

 

SAMSONG, MOTORCLA, SHAPR, LC, HTG等等攪笑的例子,

 

但依家仲開始唔理你死, 照印外國牌子, 冇串錯字,

 

照印NOKIA等等牌子名, 依家仲要去到一個地步, 一係將品牌

 

發佈的概念機都即刻COPY出山寨版, 正式版出唔出都唔知,

 

一係就在很多大品牌剛發表的新機圖片之後, 一個星期後已經

 

有山寨COPY版推出, 吹到係脹,

 

最近的例子係NOKIA N8, 已經賣緊1:1的山寨版, 唔開機, 拎上手,

 

真係睇唔出係COPY.

 

最近將會爆發的山寨熱潮會係山寨ANDROID, 因為已經推出左

 

ANDROID系統的現成機芯, 即是係MTK的升呢版, 仲要行3.5G HSPA......

 

另一個TREND係將只有美國推出的AT&T / SPRINT / VERIZON

 

等等的手機COPY成為山寨機, 由其係行美國CDMASPRINT

 

VERIZON獨家機, 型號都只有美國先有, 但又好靚款,

 

依家山寨廠已經全力COPY呢類美國機款.

 

再次聲名自己從來唔支持山寨機, 但最近見到幾部山寨機都

 

忍唔住買部玩下, 一部係COPY SAMSUNG的一款女性款摺機,

 

國內有出行貨, :名媛, SELL高貴淑女FEEL, 香港冇推出,

 

山寨版比正版大部些, 厚些, 當然功能唔駛講, 都係雙卡雙待,

 

又手寫又TOUCH SCREEN,30萬像但機身寫1000萬像果種

 

一部等如一億部一樣的內涵, 3個月就壞果種, 不用提,

 

但真係佩服山廠的觸角, 而且以咁平的價錢, 但仲要做到好靚

 

FINE好細緻的外殼 ( 我只係講個外殼), 唔到你唔服......

 

做個外殼模都好貴架...!

 

另一部係COPY美國SPRINT網絡的LG LOTUS 四方型

 

QWERTY摺機, 幾個月之前在外國手機網站見到圖片已經覺得

 

好靚好正, 但基於係美式CDMA, 比你都冇用, 山寨廠就竟然

 

將咁少有又唔係大路的手機款COPY, 真係無所不入, 付上原裝

 

LG LOTUS的官方相片比較一下, 基本上99%相同, 又係唔到你唔服,

 

仲要連原裝的WALLPAPERCOPY埋入山寨版, 而且外殼手

 

功真係同真機冇分別, 咁部機就一樣係同其他山寨機一樣啦,

 

雙卡雙待, 30萬像拍攝等等, 但有繁體添, 機身仲照印LG LOGO

 

SPRINT網絡的LOGO, 理得你死啦, O......!

 

沒完沒了的山寨機, 到底玩到幾時........?

 

仲會出什麼你估佢唔到的事......?

ORIGINAL LG LOTUS PHOTO :

呢張係正版相片,無言.